Strooidak NG Kerk Paarl

Sondag - 22 Januarie 2012
08:00 - Informele Diens 09:30 - Huis Vergenoegd 10:00 - Klassieke Diens 10:00 - Kleuterkerk : Villieria 10:00 - Junior Bybelskool (Gr. 1 - 7) : Kerksaal 18:00 - Gesindiens DEUROFFERS: HUIS VERGENOEGD	Ds. Sanet van der Walt Ds. Johan Rossouw Ds. Sanet van der Walt Ds. Bekker Nieuwoudt Ds. Bekker Nieuwoudt

Sondag - 22 Januarie 2012

08:00 - Informele Diens

09:30 - Huis Vergenoegd

10:00 - Klassieke Diens

10:00 - Kleuterkerk : Villieria

10:00 - Junior Bybelskool (Gr. 1 - 7) : Kerksaal

18:00 - Gesindiens

DEUROFFERS: HUIS VERGENOEGD

Ds. Sanet van der Walt

Ds. Johan Rossouw

Ds. Sanet van der Walt

Ds. Bekker Nieuwoudt

SENIOR BYBELSKOOL EN BELYDENISKLAS BEGIN OP

DONDERDAGAAND, 2 FEBRUARIE OF SONDAGAAND, 5 FEBRUARIE

Volgende Sondag - 29 JANUARIE 2012
08:00 - Informele Diens 09:30 - Huis Vergenoegd 10:00 - Klassieke Diens 18:00 - Gesinsdiens GEEN KLEUTERKERK OF BYBELSKOOL A.G.V. TUISNAWEEK DEUROFFERS: JEUGWERK	Ds. Fanie Kriel Ds. Johan Rossouw Ds. Fanie Kriel Ds Fanie Kriel

Volgende Sondag - 29 JANUARIE 2012

08:00 - Informele Diens

09:30 - Huis Vergenoegd

10:00 - Klassieke Diens

18:00 - Gesinsdiens

GEEN KLEUTERKERK OF BYBELSKOOL A.G.V. TUISNAWEEK

DEUROFFERS: JEUGWERK

Ds. Fanie Kriel

Ds. Johan Rossouw

Ds. Fanie Kriel

Ds Fanie Kriel

As gevolg van die herroeping van die Edik van

Nantes deur Lodewyk X1V in 1685, is

geloofsvryheid in Frankryk opgehef en moes

duisende Protestante aldaar hulle vaderland

verlaat en elders ‘n nuwe tuiste gaan soek.

Lees Meer
Die Gemeenteraad bestaan uit verteenwoordigers van al die

Bedienings van ons kerk. Daar is ook etlike persone wat op

die Gemeenteraad dien wat nie in besonder by enige van die

bedienings betrokke is nie. Gemeentelede word uitgenooi

om die betrokke persone te kontak met enige voorstelle waar

van toepassing. Kontak ons hier
Ons wil graag met u kontak maak en versoek dusdat u 'n

pienk vorm wat u in die voorste ingangsportaal sal vind,

moet voltooi en in die kissie daar moet plaas.Vra asb.

die diaken of bestuurder indien u hulp verlang of onseker

is oor enigiets.U kan ook die skriba gedurende die week

kontak. Alternatiewelik kan u die aanlyn vorm invul.

Kliek hier vir meer
U is welkom om ons te kontak en doop reëlings te tref.

Daar is doop op elke eerste Sondag van die maand, behalwe in

Augustus wanneer dit op die tweede Sondag is. In Desember

kan daar enige Sondag doop gereël word op versoek van die

doopouers. Kontak asb die kerkkantoor om die doop te reël.

Die volgende vorm is van toepassing.
Besluite van die Algemene Sinode 2011 . . .

Die volgende is ’n opsomming van enkele besluite van die Algemene Sinode 2011 wat hier voorsien word. Volledige inligting is op die internet by www.ngkerk.org.za/index.asp?bodyType=as_dokumentebeskikbaar.

1. KERKHERENIGING

Die NG Kerk herbevestig sy ernstige en duidelike verbintenis tot die herstel van een kerkverband met die ander drie kerke van die Familie, nl die VGKSA, die NGKA en die RCA. Hierdie verbintenis is gegrond in die oortuiging dat die Here dit van ons vra - ter wille van sy eer (Joh 17:23) en ter wille van ons gesamentlike roeping (Ef 4:4) en getuienis in Afrika – sodat die wêreld kan glo.

· Ons bevestig die belangrikheid van sigbare kerkeenheid

· Die geskiedenis en ervaring van ander gereformeerde kerke leer ons dat verenigingsprosesse tussen kerke nooit eenvoudig is nie.

· Ons sal rekening hou met vrae en onsekerheid wat mense het en dit onderskeidend met groot geduld en sensitiwiteit hanteer.

· Gemeentes se reg om oor hul eie werk te besluit, word erken.

· Al die bestaande gemeentes van die verenigde verband sal so behoue bly en almal saam die gemeentes van die nuwe verband wees.

· Ons spreek die oortuiging uit dat ons in die herstel van een kerkverband kerkskeuring moet vermy.

· Die Algemene Sinode is verbind om ons gemeentes te raadpleeg en mettertyd te toets.

· Die toetsing van kerkrade en sinodes oor "finale" of eindvoorstelle vir die herstel van hierdie verband word gelaat totdat 'n behoorlike proses van gesprekke met sinodes en gemeentes na die oordeel van die Algemene Sinode of die Moderamen van die Algemene Sinode plaasgevind het.

· Twee derdes van alle kerkrade moet hierdie eindvoorstelle goedkeur.

· Elke sinode moet dan met ’n twee-derdemeerderheid tot kerkeenheid besluit.

· Nadat elke sinode afsonderlik met ’n tweederdemeerderheid ten gunste daarvan besluit het, moet die Algemene Sinode dit ook met ’n tweederdemeerderheid aanvaar (Art 43 en 44).

2. DIE BELYDENIS VAN BELHAR

· Die Algemene Sinode het reeds in 1998 gesê dat hy die wesenlike inhoud van die Belharbelydenis aanvaar: "Die AS aanvaar dat die Belydenis van Belhar op sigself genome nie met die drie formuliere van eenheid in stryd is nie" en ook "aanvaar ter wille van die eenheidsproses en sy getuienis die wesenlike inhoud van die Belydenis van Belhar."

· Die Algemene Sinode besluit nou om die Belydenis van Belhar op kerkordelike wyse deel van die NG Kerk se belydenisgrondslag te maak en dra dit aan die Moderamen op om die nodige kerkordelike prosesse hieroor in werking te stel.

Nota: In die aanloop na die 1998 Algemene Sinode is alle gemeentes geraadpleeg. By een van ons aandbyeenkomste wat goed bygewoon is, het meer as 90% van die aanwesiges, na toeligting en bespreking, per stembrief aangedui dat hulle die inhoud van die Belydenis van Belhar aanvaar.

3. DIE HUWELIK EN SAAMWOON

· Die Algemene Sinode erken dat saamwoonverhoudings vandag ŉ werklikheid in die samelewing is.

· Daar is verskillende redes waarom mense saamwoon.

· Die Algemene Sinode is nogtans daarvan oortuig dat die historiese ontwikkeling van die huwelik in die Bybel en in die geskiedenis vir ons duidelike riglyne bied van wat ’n Christelike huwelik is

· DieAlgemene Sinode beskou die reëlings van mediese fondse en pensioenskemas wat voordele van mense ontneem wanneer hulle na die dood van ‘n eggenoot/eggenote weer in die huwelik tree, as eties problematies en onder-neem om nogeens met die betrokke owerhede hieroor in gesprek te tree.

· Die Algemene Sinode wil mense wat in ŉ etiese saamwoonverhouding leef en dus die Christelike norme vir die huwelik uitleef, aanmoedig om die verbintenis nog vaster te maak deur die kerklike en staatkundige aspekte ook in plek te kry.

4. DIE DOOP

· Die Algemene Sinode bevestig ons gereformeerde oortuiging dat die Verbondsdoop uitdrukking gee aan die grondwaarheid van die Evangelie dat God se genade en trou te alle tye ons gelowige aanvaarding daarvan voorafgaan en selfs omsluit.

· Die Algemene Sinode gee terselfdertyd erkenning aan die feit dat Christelike kerke nie almal dieselfde Doopbeskouing huldig nie.

· Die Algemene Sinode verseker lidmate wat die NG Kerk vanweë hulle doopverstaan verlaat het, dat die NG Kerk ‘n geestelik tuiste wil wees vir alle kinders van die Here en nooi hulle hartlik uit om hulle regmatige plek in hulle plaaslike NG gemeente in te neem en saam te werk aan die koms van God se koninkryk.

5. VERSOENING

· Die Algemene Sinode spreek sy diepe kommer uit oor die groot mate van onversoendheid wat daar nog in die Suid-Afrikaanse samelewing heers en roep al die verbande van die kerk op om die “bediening van versoening” onvermoeid en met groot erns te beoefen.

6. DIVERSITEIT

· Die Algemene Sinode oordeel dat diversiteit ‘n kernwaarde vir die kerkverband is.

· In die lig van die ernstige kommer oor die geweldige hoë voorkoms van geweld en seksuele geweld teen veral vroue en kinders in die Suid-Afrikaanse samelewing, en dat pornografie en seksuele stereotipering van vroue ‘n groot bydrae tot die probleem lewer, spreek die Algemene Sinode sigself ten sterkste uit teen alle vorme van pornografie en materiaal in die media wat mense, veral vroue en kinders, degradeer of seksueel uitbuit.

U is welkom om by die Kerkkantoor navraag te doen indien u verdere toeligting verlang. Ons is bevoorreg dat beide Ds Fanie Kriel en Frik Bosman die Sinodesitting bygewoon het en ook bereid is om verdere toeligting te voorsien.

~ ~ ~ ~ ~ ~ ~ ~ ~ ~
Strooidak Kersmark

ONS IS BAIE DRINGEND OP SOEK NA KATEGETE (ONDERWYSERS)

VIR DIE JUNIOR EN SENIOR BYBELSKOOL. KONTAK ASB. DIE

KERKKANTOOR 021 872 4396 OF DS. BEKKER 021 872 7833

Nuus

ONS INNIGE MEEGEVOEL MET . . .

Christel van Zyl, La Mode, 082 854 2432, met die heengaan van

haar moeder, Nellie van Zyl, van Somerset-Wes.

Ons dink aan jou en bid vir jou die wonderlike vertroosting van

ons Hemelse Vader toe.

~ ~ ~ ~ ~ ~ ~ ~ ~ ~ ~

ONS VRA VOORBIDDING VIR . . .

♥ Alle siekes in Huis Vergenoegd en Rusoord

♥ Alle bejaardes in Huis Pêrelberg, Versorgingshuis vir bejaardes

~ ~ ~ ~ ~ ~ ~ ~ ~ ~ ~ ~

JUNIOR EN SENIOR BYBELSKOOL EN BELYDENISKLAS

Die Junior Bybelskool (graad 1 - 7) is Sondagoggende om 10:00 in die kerksaal.

DAAR IS 'N BAIE BELANGRIKE VERGADERING VIR ALLE OUERS VAN GR. 1 - 7 LEERDERS

SONDAGOGGEND, 22 JANUARIE NET NA DIE 10:00 DIENS IN DIE KERK.

AS U KIND SE GEESTELIKE VERSORGING VIR U BELANGRIK IS, WOON ASSEBLIEF

HIERDIE VERGADERING BY

Ons is dringend op soek na Kategete (onderwysers) vir die Junior en Senior Bybelskool.

Kontak asb. vir ds. Bekker, 021 872 7833, of die kerkkantoor, 021 872 4396 indien u wil/kan help.

Die Senior Bybelskool (graad 8 - 10) en Belydenisklas (graad 11) begin op Donderdag, 2 Februarie

of Sondag, 5 Februarie.

Senior Bybelskool en Belydenisklaslesse is Donderdagaande 18:15 - 19:00 of Sondagaande 18:45 - 20:00 in Villieria.

~ ~ ~ ~ ~ ~ ~ ~ ~ ~ ~ ~

40 DAE VAN LIEFDE . . .

Suider-Paarl Gemeente beplan die afskop van 40 Dae van Liefde,

‘n opvolg van Rick Warren se 40 Dae van Doelgerigte Lewe, op 5 Februarie 2012.

Dit sal gelei word deur ds Theo Hay. Navrae: Lizinda Roe 082 770 5410

~ ~ ~ ~ ~ ~ ~ ~ ~ ~ ~ ~

STROOIDAK SE NUUSMAKERS . . .

Dit is lekker om in 'n gemeente te wees waar gemeentelede mekaar ken en herken waar hulle ookal is.

Elkeen speel 'n besondere rol om die gemeenskap en groter omgewing 'n beter plek vir almal te maak.

Die res van ons wil dit weet. Laat weet dus wat jy doen om dit reg te kry of as jy van iemand in die

gemeente weet wat 'n besondere bydra in die verband lewer. En as iemand bevorder word of 'n

besondere prestasie behaal het, laat weet ons. Ons wil weet wie in ons gemeente is.

Neem 'n foto en stuur die inligting na nuus@strooidak.co.za of na Francois Lotter (frans@netpos.co.za)

of 083 408 1902 of na Leensie Streicher (leensie@agrimega.co.za). Francois sal die nuuswenke opvolg

en verwerk en Leensie sal sorg dat dit ook op die Strooidak se webblad verskyn.

Gaan loer gerus ook in by www.strooidak.co.za.

~ ~ ~ ~ ~ ~ ~ ~ ~ ~ ~ ~

BRUIKBARE KLERE EN ANDER OORTOLLIGE ITEMS . . .

Indien u enige bruikbare klere of ander items het waarvan u graag ontslae wil raak,

kan u dit by die Kerkkantoor kom aflaai om verder versprei te word.

~ ~ ~ ~ ~ ~ ~ ~ ~ ~ ~ ~

PASTORALE BRIEF OOR DIE BELYDENIS VAN BELHAR EN DIE KERKHERENIGINGSPROSES

Liewe Broers en Susters

Die NG Kerk het by sy Algemene Sinode van 2011 verskeie besluite rondom kerkhereniging en die

Belydenis van Belhar geneem. Ontvang asseblief die volgende inligting oor die pad vorentoe met

betrekking tot hierdie sake.

Rondom die Belydenis van Belhar het die Sinode soos volg besluit:

“Die Algemene Sinode besluit om die Belydenis van Belhar op kerkordelike wyse deel van die

NG Kerk se belydenisgrondslag te maak en dra dit aan die Moderamen op om die nodige

kerkordelike prosesse hiervoor in werking te stel.”

Oor die herenigingsproses van die NG Kerkfamilie het die sinode onder andere besluit dat ons graag

sal wil sien dat die NG Kerk in Afrika (NGKA) en die Reformed Church in Africa (RCA) ook deel word

van die fasiliteringsproses vir hereniging wat daar tans deur die World Communion of Reformed

Churches(WCRC) tussen die NG Kerk en die VG Kerk plaasvind. By die Algemene Sinode se

Moderamenvergadering wat op 2 November plaasgevind het, is hieroor soos volg besluit:

“Die Dagbestuur (van die Moderamen van die Algemene Sinode)neem leiding om te poog om

die Moderature van die 4 kerke so vroeg as moontlik in 2012 byeen te kry. Hierdie vergadering

moet 'n byeenkoms van verteenwoordigers van die 4 kerke reël om die volgende te doen…”

(waarna daar dan bepaalde praktiese prosesvoorstelle volg).

Ons werk op die oomblik hard aan die proses waarby verskillende kerke en leiers betrokke sal wees.

Ons kan dus nie nou al in detail uitspel hoe die kerke in die NG Kerkfamilie met mekaar sal verenig nie.

Ook nie hoe die Belydenis van Belhar binne hierdie proses hanteer sal word nie. Daarom vra ons

lidmate se geduld, begrip en voorbidding en ook hulp wanneer die proses op plaaslike vlak prakties

in werking sal kom.

Die Moderamen gee tans deur middel van verskeie taakspanne aandag aan hoe die prosesse rondom

die sake gestruktureer moet word. Dit is duidelik dat dit ingewikkeld en sensitief is. Die uitdaging is ook

om dit te doen op ‘n wyse wat soveel as moontlik rolspelers die kans gee om deel te neem aan die proses.

Dit is ook ons verantwoordelikheid om dit te doen met die heel beste inligting, studiemateriaal en

gespreksgeleenthede. Die Moderamen sal, sodra die taakspanne hulle werk voltooi het, deur die sinodes

met gemeentes en lidmate kommunikeer.

Daar moet geen twyfel by sinodes of gemeentes bestaan dat hulle in hierdie proses rondom hereniging en

Belhar getoets sal word nie. Wanneer, weet ons nog nie. Hoe die proses gaan verloop, moet ons nog met die

verskillende rolspelers uitklaar – en natuurlik met die bemiddeling van die WCRC, soos wat ons met mekaar

ooreenkom. Ons wil dus vra dat daar nie nou individuele prosesse aan die gang gesit word voordat die sinodes

by die Moderamen daaroor ooreengekom het nie.

Die twee sake is geweldig belangrik vir die NG Kerk en ook vir elke gemeente en lidmaat. Alhoewel ons in ‘n tyd

lewe waar mense graag vinnig besluite wil neem en resultate wil sien, vra hierdie saak begrip en groot geduld.

'n Baie geseënde Kerstyd word elkeen toegewens. Reis versigtig en veilig – en mag die vrede van die

teenwoordigheid van God julle vervul.

Vriendelike groete

Dagbestuur van die Moderamen van die Algemene Sinode:

Nelus Niemandt, Braam Hanekom, Johann Ernst, Nelis van Rensburg, Elize Bezuidenhout en Kobus Gerber

~ ~ ~ ~ ~ ~ ~ ~ ~ ~ ~ ~

Hospitaalbesoeke

Vir ons siekes is daar bystand deur vrywilligers wat hulle tyd beskikbaar maak vir die besoeke by hospitale of tuis. Ons gee graag die volgende inligting, neem die vrymoedigheid en skakel!

Maandag
Annetjie Kritzinger: 021-863-2951

Dinsdag
Jimmy Nothling: 084-311-1205

Woensdag
Willem Engelbrecht: 021-863-3202

Donderdag
Derick Kotze: 021-863-1845

Vrydag
Liezel de Vries: 083-234-6772

Huisbesoeke
Karin Smith–Hamman: 021-863-3940 of 082-955-8047

Skenkings en Betalings

Ons dank u vir u bereidwilligheid om u bydrae te maak. Soos in baie ander sektore word die ekonomiese afswaai ook aan ons kerk se beursie gevoel. U bydrae is noodsaaklik om ons in staat te stel om ons missie suksesvol uit te voer.

Betalings kan gedoen word deur:

Elektroniese inbetaling direk in die kerk se rekening

Debietorder

Reël self aftrekorder by jou bank

Maak gebruik van koeverte

DANKOFFERS & SKENKINGS

N G Kerk Die Paarl (Strooidakkerk)
Nedbank Paarl
Takkode: 101910
Rek No: 1019291168
Voorsien asb. u van, voorletters en wykno.

GGO

N G Kerk Die Paarl (Strooidakkerk)
Nedbank Paarl
Takkode: 101910
Rek No: 2019355027
Voorsien asb. u van, voorletters en wykno.

Aanwysings na ons Kerk

Tik jou adres in:

Kalender

JAN

29.01.2012 08:00 - 09:00
Informelediens

JAN

29.01.2012 10:00 - 11:00
Formelediens

FEB

01.02.2012 19:00 - 20:00
Biduur - HVG

FEB

02.02.2012 18:00 - 19:00
Senior Bybelskool en Belydenisklas

FEB

05.02.2012 08:00 - 09:00
Informelediens

Facebook

Strooidak Kersmark

Nuus

Hospitaalbesoeke

Skenkings en Betalings