Sondag - 20 Mei 2012
Daar is slegs een oggenddiens om 09:00 in die kerk a.g.v. die kragonderbreking in die Paarl 09:00 - Erediens 09:30 - Huis Vergenoegd 18:00 - Gesindiens Geen kleuterkerk, Bybelskool of Belydenisklas a.g.v. tuisnaweek    DEUROFFERS: RUSOORD	Ds. Fanie Kriel Ds. Johan Rossouw Ds. Fanie Kriel

 

 

 

 

 

 

 

 

 

  

 

 

Volgende Sondag - 27 Mei 2012
08:00 - Informele diens: Spesiale doop 09:30 - Huis Vergenoegd      10:00 - Klassieke diens 10:00 - Kleuterkerk: Villieria 10:00 - Jnr Bybelskool: Kerksaal 18:00 - Gesinsdiens: Begin van Pinkster 19:00 - Bybelskool en Belydenisklas: Villieria   DEUROFFERS: VILLIERIA-INSTANDHOUDING	Ds. Fanie Kriel Ds. Johan Rossouw Ds. Fanie Kriel   Ds. Sanet vd Walt Ds. Danie du Toit

 

As gevolg van die herroeping van die Edik van

Nantes deur Lodewyk X1V in 1685, is

geloofsvryheid in Frankryk opgehef en moes

duisende Protestante aldaar hulle vaderland

verlaat en elders ‘n nuwe tuiste gaan soek. 

Lees  Meer

Die Gemeenteraad bestaan uit verteenwoordigers van al die

Bedienings van ons kerk.  Daar is ook etlike persone wat op

die Gemeenteraad dien wat nie in besonder by enige van die

bedienings betrokke is nie.  Gemeentelede word uitgenooi

om die betrokke persone te kontak met enige voorstelle waar

van toepassing.  Kontak ons hier

Ons wil graag met u kontak maak en versoek dusdat u 'n

pienk vorm wat u in die voorste ingangsportaal sal vind,

moet voltooi en in die kissie daar moet plaas.Vra asb.

die diaken of bestuurder indien u hulp verlang of onseker

is oor enigiets.U kan ook die skriba gedurende die week

kontak. Alternatiewelik kan u die aanlyn vorm invul.

Kliek hier vir meer

U is welkom om ons te kontak en doop reëlings te tref.

Daar is doop op elke eerste Sondag van die maand, behalwe in

Augustus wanneer dit op die tweede Sondag is.  In Desember

kan daar enige Sondag doop gereël word op versoek van die

doopouers.  Kontak asb die kerkkantoor om die doop te reël. 

Die volgende vorm is van toepassing.
 

 

GESPREKSAANDE MET ………….!!!   2012

 

WAT IS GESPREKSAANDE?

Dit het onder ons aandag gekom dat daar ‘n behoefte binne en buite ons Gemeente bestaan, waar mense meer toerusting en onderrig verlang rondom verskillende onderwerpe in die Bybel asook ander lewensvraagstukke. Mense soek toerusting, opleiding en ondersteuning rondom verskeie sake in hul lewe.  Aangesien daar baie kundigheid rondom ons is, wat gebruik kan word, het ons besluit om hierdie aande te begin.  Dit is nie Bybelstudies of ‘n Bybelskool nie en  Bybelse opleiding sal afgewissel word deur opleiding in lewensvaardighede wat deur kundige mense aangebied sal word.

 

GESPREKSAANDE MET………WIE IS DIE MET?

Daar sal voor die tyd bekend gemaak word wie die kursus sal aanbied en wat die onderwerp en inhoud van die kursus sal wees.

 

TYD EN PLEK?

Dit sal altyd op ‘n Donderdagaand geskied en dit sal die meeste van die tyd in ons kerksaal of in die kerk self wees. Dit begin om 19:00.

 

KOSTES?

Ons gaan poog om dit so ver as moontlik gratis aan te bied, maar dit kan verskil van kursus tot kursus. Soms sal net ’n administratiewe fooi gehef word, maar indien kursusmateriaal van so ‘n aard is dat daar meer kostes gaan wees, sal dit voor die kursus gekommunikeer word.

 

WAAR SKRYF EK IN?

U kan inskryf by Maureen (021 872 4396 skriba@strooidak.co.za) of by Ds. Fanie Kriel (083 292 5188  fanie@strooidak.co.za).

INSKRYWINGS SLUIT OM 12:00 OP DIE WOENSDAG VOOR DIE AANVANG VAN DIE KURSUS.

 

SKRYF NOU REEDS IN VIR "OM WAARDIG TE LEWE" met Ds. DANIE DU TOIT

 

KURSUSSE VIR 2012

 

3) OM WAARDIG TE LEWE MET Ds. DANIE DU TOIT

Hoe pas ek aan by verskeie omstandighede in die lewe?  Die soektog na sin, tyd, lewe, dood, vreugde en waardigheid word omvattend behandel vanuit die boek Prediker. Prediker 1-12 word behandel.  Hierdie kursus bied vrae en antwoorde rondom die belangrikste lewensvrae.

3 MEI, 10 MEI, 17 MEI

 

4) KONFLIKHANTERING MET Ds. FANIE KRIEL

Ek sukkel om konflik te hanteer en dit maak dat my huwelik, vriendskappe en my verhoudings by die werk nie so sinvol en verrykend is as wat dit behoort te wees nie.  Trouens, ek kom agter dat

ek al hoe meer hulp nodig het op dié gebied. Hierdie kursus gaan jou op ‘n baie praktiese manier help om in die hitte van die stryd jouself op ‘n assertiewe (selfgeldende) wyse te handhaaf.

7 JUNIE, 14 JUNIE, 21 JUNIE.

 

5) STERWENSBEGELEIDING MET Ds. DANIE DU TOIT

Hoe ondersteun ek familie of vriende wie se geliefdes terminaal is en besig is om te sterf? Wat sê ek op ‘n begrafnis en hoe staan ek mense by wie ‘n geliefde aan die dood moes afstaan? Hoe begelei ek mense / ouers / kinders wie besig is om te sterf?  Ds. Danie gaan deur eie ervaring, maar ook vanuit akademiese kennis met u oor die onderwerpe gesels en van hulp wees.

19 JULIE, 26 JULIE.

 

6) UITBEELDING VAN CHRISTUS DEUR KUNS MET Ds. DANIE DU TOIT

Hoe sien kunstenaars vir Christus en hoe het kunstenaars deur al die eeue vir Christus dmv kuns uitgedruk.  Bekende kunstenaars soos Picasso se uitbeeldings word onder andere bestudeer. Kom kyk na treffende illustrasies en boeiende lering oor die Christen en kuns.

16 AUGUSTUS, 30 AUGUSTUS, 6 SEPTEMBER.

 

7) WAARDE VAN EMOSIONELE HIGIËNE MET HENRI VILJOEN

Om die regte ding op die regte tyd te doen.  Kom leer meer van lewenswaardes en norme en kom vind meer uit oor emosionele intelligensie en ander lewensbelangrike eienskappe. Henri Viljoen is ‘n

sielkundige en predikant en hy gaan u toerus met lewensbelangrike vaardighede. Toerusting is relevant en aktueel en hierdie is ‘n kursus wat u nie mag misloop nie.

13 SEPTEMBER, 20 SEPTEMBER, 27 SEPTEMBER.

 

8) MBTI-PERSOONLIKHEIDSANALISE MET Ds. FANIE KRIEL

Hoekom wil my man na ‘n besige week mense oornooi vir die naweek en ek wil net op my eie wees?  Hoekom is my kollega nie tevrede met hoe sake in ons besigheid is nie en wil hy alles

verander?  Hoekom is my pligsgetroue, hardwerkende kind se kamer so deurmekaar, ek verstaan dit nie?  Hoekom is my liefdestaal mooi woorde en erkenning, maar my man is altyd so krities hoewel hy tog lief is vir my.  As jy nog altyd oor jou en ander se verskille gewonder het en jy nog altyd meer van jouself wou weet, moet jy nie hierdie kursus mis nie. Die Meyers-Briggs(MBTI) het al verskeie

huwelike gered en gekeer dat kollegas uit mekaar spat.

11 OKTOBER, 18 OKTOBER, 25 OKTOBER, 8 NOVEMBER.

 

9) HOOGLIED MET Ds. DANIE DU TOIT

Die kursus, ook bekend as “LIEFDE; LEKKERDER AS WYN”, is ‘n treffende kursus oor die boek Hooglied en word deur een van die kenners van die boek Hooglied, nl. Ds. Danie du Toit aangebied. 

Kom en deel die liefde, intriges en lewenswaarhede uit die boek Hooglied. 

8 NOVEMBER, 15 NOVEMBER, 22 NOVEMBER.

 

ONS SAL DEUR DIE JAAR WEER VIR U HERINNER, MAAR VRA TOG DAT U U DAGBOEKE OOPHOU EN U KAN NOU REEDS VIR KURSUSSE LATER DIE JAAR BY MAUREEN OF FANIE BESPREEK INDIEN U BANG IS DAT KURSUSSE VOL BESPREEK KAN WORD.

~  ~  ~  ~  ~  ~  ~  ~  ~  ~  ~  ~  ~ 

Outentieke manwees

 

DIE SOEKE NA OUTENTIEKE MANWEES . . .

Deur Robert Lewis en aangebied deur Reg Cowie

 

‘n Reis deur 24 sessies wat mans help om hulle manlike identiteit te verstaan en hulle wys hoe om die strewe na Outentieke Manwees ’n lewenslange prioriteit te maak.  Deur hierdie reeks leer mans om passiwiteit te verwerp, aanspreeklikheid te aanvaar, dapper te lei en God se beloning te verwag.

 

Datum: Elke Dinsdag vanaf 21 Februarie 2012 vir 24 weke

 

Tyd: Koffie & Beskuit vanaf 05:45,

Kursus 06:00 – 07:00,

Kleingroepbespreking 07:00 – 07:30

sodat jy betyds by die werk kan wees

 

Plek: NG Wellington-Oos, h/v Cummings & Barlinkastr, Wellington

 

Navrae / Inskrywings:

Herbert Sills 082 374 3146 /

herbert@madmouse.co.za

 

Formaat: Die eenvoudige formaat behels mans wat weekliks vir ‘n opleidingsessie van een uur vergader, gevolg deur 30 minute bespreking in kleingroepe waartydens mans openlik en vertroulik met mekaar kan gesels en mekaar kan ondersteun.

 

Van die onderwerpe wat behandel word, sluit in:

· Seisoene in die lewe van ’n man

· Ontbloot die wonde van manwees

· Definieer outentieke manwees

· Ontwikkel ’n “manwees-plan”

  vir die res van jou lewe

· Verdiep die huweliksverhouding

· Grootmaak van seuns en dogters

 

Die program is daarop gemik om slegte gewoontes wat aangeleer is, weer af te leer en sommige van  (al?) die ou wonde te genees.

 

Na afloop hiervan sal elke man die vraag kan antwoord: “Wat is ’n ware man?”

 

Indien jy ’n man is, jonk of oud, behoort jy dit by te woon!

 

~ ~ ~ ~ ~ ~ ~ ~ ~ ~ ~ ~

Strooidak Feesmark

 

Strooidakfeesmark

Kerksaal

Klein Reservoirstraat

PAARL

E-POS:strooidakfeesmarkpaarl@gmail.com

FAKS: 0865118918

Organiseerders:  Margie (sel- 072 229 8396)

Mari (sel- 083 680 5745)

 

STROOIDAKFEESMARK, 2012

26 November – 1 Desember in Strooidak-kerksaal PAARL

Maandag - Vrydag 10:00 – 20:00 en Saterdag 09:00 – 15:00

 

Beste Uitstaller

 

Ons is volstoom aan die werk met die reëlings vir ons 3^de STROOIDAKFEESMARK. 

Ons 2^de Feesmark was ’n baie groot sukses danksy die puik gehalte uitstallers wat deel

was van ons mark en het ons ’n GROEI VAN 50% getoon.  Die mark word in ’n ruim saal

met genoegsame parkering en sekuriteit aangebied.  Wye reklame word voor en tydens

die mark d.m.v. plakkate, pamflette, e-posse, smse en koerantadvertensies gedoen.

 

KEURING:

Voornemende uitstallers kan aansoek doen deur foto’s van hulle produkte, pryse en

meegaande vorms aan ons te e-pos. Artikels kan vir voorlegging aangevra word en

proepakkies moet eetbare produkte vergesel.

 

BELANGRIKE DATUMS:

#  1 Augustus 2012:        sluitingsdatum vir aansoeke;

# 10 Augustus 2012:       u sal per e-pos of sms in kennis gestel word of u gekeur is;

# 1 September 2012:       laaste dag vir betaling van registrasiegelde.

Indien registrasiegelde nie ontvang word nie, sal u bespreking gekanselleer word en

u tafel aan iemand anders toegeken word.  Geen registrasiegeld is terugbetaalbaar

as u u bespreking sou kanselleer nie.

Indien die Feesmark weens onvoorsiene omstandighede afgestel of uitgestel moet word,

sal die  Feesmark nie verantwoordelik wees vir verlies aan u verwagte inkomste of skade

wat daaruit mag spruit nie.

 

#  INDIEN U GEKEUR WORD, MOET U REGISTRASIEGELDE ASB. IN DIE FEESMARK

SE BANKREKENING INBETAAL WORD.  ELEKTRONIESE OORBETALINGS WORD VERKIES:

 

#  ABSA PAARL

#  TJEKREKENINGNR. 407677 2069

#  TAKKODE: 63 2005

 

NB:  FAKS ASSEBLIEF BEWYS VAN BETALING NA: 0865118918.

 

1)             KRITERIA:

             ~          verkieslik uitstallers met handgemaakte artikels sal voorkeur geniet;

~          KWALITEIT, KEURIGE AANBIEDING EN BEKOSTIGBARE ARTIKELS.  Die Feesmark

            is hoofsaaklik gerig op die aankoop van kersgeskenke en duur artikels verkoop moeilik.

2)             BESIGHEIDSURE:                                                                                                                      

Maandag – Vrydag: 10h00 tot 20h00

Saterdag:                09h00 tot 15h00

3)             UITSTALRUIMTE EN KOSTE:

Die tafels is min of meer 180cm x 75cm.

’n Vol tafel beloop R350,00.

’n Halwe tafel beloop R175,00.

’n Groot staander (nie groter dan + 1,5m) of klererak op die vloer beloop R350,00

’n Klein staander (nie groter dan 90cm) op die vloer beloop R175,00.

 

16% van u verkoopprys op al u verkope word aan die Strooidakfeesmark afgestaan en maak u

’n waardevolle bydrae tot die Strooidakkerk Feesbediening.   U artikels moet dus so gemerk wees

dat die prys reeds die 16% kommissie INSLUIT.

 4)             PRODUKTE:

Slegs gekeurde artikels mag aangebied word.  U moet te alle tye sorg dat u uitstalruimte vol is en

dus genoegsame voorraad onder u tafel bêre.    Indien u voor die tyd oppak of u tafel gedurende

die mark nie oor voldoende voorraad beskik nie, sal ons genoodsaak wees om 30% van u omset

as boete te verhaal.  Verantwoordelike beamptes sal gedurende die mark sorg dat u ekstra

voorraad uitgepak word. Sorg dus dat u genoegsame voorraad in goedgemerkte houers onder

u tafelspasie het.  Moet asseblief nie al u voorraad uitpak en niks onder u tafel hê nie. 

’n Oorvol tafel lyk nie baie goed nie.

Geen voorraad mag deur persone in of uit die saal gebring word sonder om by die Feeskantoor

aan te meld nie. U kan u nuwe voorraad gedurende die mark aanvul ’n halfuur voor oopmaaktyd.

Geen voorraad mag tydens die besigheidsure ingebring word nie. 

Die produkte se pryse mag  nie verhoog of verlaag word tydens die duur van die mark nie.

U voorraad word op EIE RISIKO gelewer en verkoop.  Die Feesmark is nie verantwoordelik vir

enige breekskade of diefstal nie. Die Strooidakfeesmark tree bloot op as agent tydens die mark

en is nie verantwoordelik vir enige belastingnakoming of –verpligting van uitstallers nie.

Die Feesmark sal die uitstallers van gekodeerde prysetikette voorsien word .  Indien u u prysetikette

self kan afhaal in die Paarl, dui asb. dit so aan op die Aansoekvorm.  Skakel Margie by 0722298396

om reëlings te tref.  Produkte sonder die amptelike prysetiket, sal nie aanvaar word nie.  Alle produkte

wat die saal ingebring word, moet asseblief klaar gemerk wees.  Ekstra prysetikette kan gedurende

die mark aangevra word by die Feeskantoor.  ’n Vorm wat by die organiseerders beskikbaar is, moet

ingevul word en u sal u plakkers binne 24uur by Feeskantoor kan afhaal. 

Klop gerus by die Feeskantoor aan vir enige navrae.

Indien u oor u eie gekodeerde prysetikette beskik, sal dit ons baie help om ons uitgawes te besnoei  

en moet u asseblief vir ons van ’n gekodeerde lys voorsien sodat ons dit op ons program kan inlees.

   5)              UITPAK EN UITSTALLING:

U is self verantwoordelik (of iemand deur u aangewys) om u voorraad uit te pak om ’n keurige

uitstalling te skep en op te pak na afloop van die mark. Die uitstallers moet asseblief ’n GROOT

GENOEG TAFELDOEK bring om u tafel tot op die vloer toe te maak sodat die voorraad onder

u tafel nie sigbaar vir die publiek is nie.  Ons maak die tafels toe met hessian, maar verkies dat

u n ander tafeldoek of “overlay” bo-oor sit.                                                                                                                                          

Nota:  ’n Effekleurige en donker tafeldoek laat u produk uitstaan.  Maak gerus van hoogtes,

staandertjies en rakkies op u tafel gebruik (wat u self moet voorsien).  Sodoende skep u meer

uitstalruimte en u produk is meer sigbaar. Rakkies/agtergrond op tafels moet nie hoër as 1m

wees nie en die wydte mag nie u tafelspasie oorskry nie. 

Produkte wat aan staanders hang, tref die oog.

             Kragpunte is beskikbaar.

Gekeurde aansoekers wat eerste hul registrasiefooie betaal, sal voorkeur kry indien hulle

uitstalruimte teen die muur verkies.  Muurspasie is beperk.

             Geen spykers mag in die muur en vloer gekap word nie.

6)              OPRUIM EN AMPTELIKE AFSLUITING:

Alle uitstallers moet vanaf 14h45 op die laaste dag in die vierkant agter die kombuis bymekaar

kom vir die amptelike afsluiting.  Die mark se deure sluit om 15h00 en die laaste kopers sal

10min. kans gegun word om hulle inkopies af te handel. Daarna sal die mark amptelik

afgesluit word en kan die uitstallers hulle tafels ontruim. Geen uitstaller sal toegelaat word

om voor die tyd op te pak nie.  Die uitstallers het kans tot 17h00 om op te pak

7)    ALGEMEEN:

a)         Diensbeurte:

U hoef nie die hele tyd self by die mark teenwoordig wees nie, maar elke uitstaller moet asseblief

2 diensbeurte van 2uur elk doen. Indien jy nie self kan werk nie, kan jy iemand aanwys om jou te

verteenwoordig of R60 per diensbeurt betaal sodat ons iemand anders kan betaal vir jou 2 skofte.

Indien jy nie jou diensbeurte kan nakom nie, moet jy asb. ten minste 24uur voor die tyd vir ons in

kennis stel en sal jy verantwoordelik darvoor wees om vir jou diensbeurte te betaal.  Indien jy

sonder enige kennisgewing nie vir jou diensbeurt opdaag nie,  sal jy beboet word met R100,00.

JUWELIERS- en KLERE UITSTALLERS is welkom om hulle stalletjies heeldag te beman.

 b)         Sekuriteit:

 Die kerksaal is toegerus met veiligheishekke, binnedeure wat kan sluit en ’n alarm en sal

24uur beveilig word asook genoeg toesighouers  per skof  binne in  die saal, asook by die

ingang/uitgang hê.

8)             SENTRALE BETAALPUNT:

Genoegsame betaalpunte sal beskikbaar wees met kredietkaartfasiliteite.

9)             KAFEE/TEETUIN:

Hier kan u en die publiek lekker ontspan en saam kuier.  Buite sal ook tafels onder die bome

wees met speelplek vir kinders. Ligte etes en versnaperinge sal beskikbaar wees.

10)             BETALING:

U betaling sal teen 10 DESEMBER 2012 direk in u bankrekening inbetaal word. 

Geen kontant uitbetalings sal gedoen kan word nie. 

Maak asseblief seker dat u bankbesonderhede korrek is.

 

BAIE DANKIE

 

MARGIE EN MARI

ORGANISEERDERS

Strooidak Blydenuus

STROOIDAK  BLYDENUUS                               7 MEI - 14 MEI

 

“MY GENADE IS VIR JOU GENOEG. MY KRAG KOM JUIS TOT VOLLE WERKING WANNEER JY SWAK IS”  2 KOR. 12:9.

Vriende hoe dikwels ervaar ons dit nie dat gelowiges vir jou sal sê dat die Here jou wil “bless”, maar jy moet net eers dit of dat reg doen of eers ‘n sekere deel van jou lewe uitsorteer nie. Die eerste fout wat mense met so ‘n aanname of stelling maak, is dat hulle dink dat God se seëninge aan ons afhang van ons “foutlose” of “sondelose" lewe. Indien God ons wil seën, doen Hy dit net, ongeag wat ons doen of nie doen nie.

Verder is dit wat onder so ‘n stelling lê, die aanname dat God ons net seën as dit met ons goed gaan en nie ook as dit met ons sleg gaan nie. Vriende, in die Bybel se tyd het God se seën beteken dat Hy met ons sal saamgaan en nie dat dit altyd met ons sal goed gaan nie. God se genade of met ander woorde sy saam met ons loop is vir ons genoeg! Wanneer dit met jou sleg gaan en wanner jy swak is, is heel dikwels die tye wanneer ek en jy die meeste groei, die naaste aan God lewe en ook wanner God se krag in ons die sterkste getuienis na buite is. Dit is nooit lekker om deur sulke tye te gaan nie, maar weet maar net dat jy nie alleen is nie en dat hierdie storm ook sal verby gaan. HOU NET AAN GOD VAS.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

STROOIDAK  BLYDENUUS                                23 APRIL - 30 APRIL 2012Wanneer mense se getuienisse net bestrooid is met deurbrake, gebedsverhorings, seëninge en oorwinnings, dan voel ek uit my diepte.

Geloof hier aan my kant van die draad is ‘n daaglikse stryd. Elke dag moet ek van voor af kies om op Jesus se pad te loop en sy kruis te dra. Daagliks is daar enigiets vanaf oorwinnings, struikelings, deurbrake en toe deure op my pad. Daagliks is daar teleurstellings en vreugde. Nooit word die pad juis makliker nie. Tog wil ek met alles in my verder stap op hierdie avontuurpad saam met Jesus. Ek sal Hom selfs deur die storms van die lewe volg, maar dat dit maklik is, is beslis nie altyd so nie. Ons kan gerus maar weer Psalm 44 en 88 gaan lees en dan ontdek ons dat ons verhouding met die Here Jesus ‘n wedloop is wat ons met volharding en dissipline moet voltooi.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

STROOIDAK BLYDENUUS                                16 APRIL - 23 APRIL 2012

     “AS GELOOF MAKLIK EN VOORDELIG WAS DAN HET ALMAL GEGLO!”

Vriende, die Here Jesus het self by geleentheid gevra of Hy enigsins nog geloof op aarde sou vind, wanneer Hy terugkom aarde toe. Die kapitalistiese stelsel en ‘n gesekulariseerde wêreld, is gebasseer op beloning vir harde werk. Geloof in Jesus Christus werk egter nie so nie. Die vraag hierdie week is uit watter wêreld of denksisteem put ons die meeste. Leef ons nie maar dikwels met die geloofsoortuiging dat die Here my moet seën en toesien dat dit met my goed gaan nie, aangesien ek Hom so getrou dien en Hom lief het, nie. Die Here het reeds alles vir ons aan die kruis gedoen en is elke dag nog singewend in ons lewens aan die werk en skuld ons niks nie. ‘n Lewe op Jesus se pad het twee kenmerke – vreugde en moeilikheid. Beide behoort tot die ABC en die XYZ van geloof. Dit is nie ‘n gelykpad nie, maar dis ‘n pad waar God se Gees permanent saamloop.  Nooit is ons aan onsself oorgelaat nie.  Al waai die wind van voor af, en al is die pad steil en gevaarlik, daar is altyd ‘n Gids op die pad.  Daarom dat ons lig kan reis – met ligte harte en vreugde op ons gesig.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

PAASBOODSKAP 2012 - UIT DIE MODERATUUR

 

Hoor die voetstappe in gelid

wat Jesus in die tuin van Getsemane kom haal,

Luister na die Petrus-haan

wat driemaal kraai,

Die drup van Pilatus se water

wat sy hande van skuld reinig,

Die dowwe kap van spykers deur vlees en hout

Die stilte van Maria se rou oor haar Seun.

Hoor die gekrap van klip-op-klip toe die graf oopgaan

En die snak van vroue-asems

toe hulle ontdek die graf is leeg.

 

JESUS CHRISTUS LEEF!

 

Mag u die genade, die vrede en die liefde van ons Here Jesus Christus beleef hierdie Paasfees.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

STROOIDAK               BLYDENUUS                    12 MAART - 19MAART

 

WAG OP DIE HERE!      PSALM 130

Wag is vir baie sinoniem met toustaan en frustrasie. Binne tien minute verander die gemiddelde toustaner in ‘n nuwe mens. Dan hoor jy links en regs opmerkings oor swak diens, of die ineenstorting van alles in die land. Ons as mense hou nou maar eenmaal nie van wag nie. Dit raak ook al hoe erger hoe meer die gehalte van diens jou sukses in die besigheid bepaal en hoe meer mense gesensitiseerd raak vir beide goeie en slegte diens. Tegnologie het hierdie ongemak en ongeduld met wag baie erger en dringender gemaak, aangesien ons wil hê dat alles met die klik van ‘n muis moet gebeur.

Liewe kind van die Here Jesus, God werk egter nie so met ons nie. Ons God is ‘n God wat oor geslagte met mense werk en Hy vorm ons soms deur ‘n hele paar jaar en ‘n hele paar storms in ons lewe. Sy verhouding met ons is nie ‘n klik-met-‘n-muis verhouding nie! Wag op die Here! Vra vir Hom geduld en insig in jou huidige situasie en vertrou Hom wanneer Hy vir jou sê dat sy genade vir jou genoeg is.

*****************************************************************************

STROOIDAK   BLYDENUUS               5 MAART - 12 MAART 2012

 

Johannes 3:16-17

Wanneer ons Johannes 3:16 en 17 direk uit die Grieks vertaal sal die teks so klink:

“Want so lief het God die kosmos (in Grieks ‘ton kosmon’) gehad dat Hy sy enig gebore Seun gegee het, sodat elkeen wat in Hom glo, nie verlore mag gaan nie, maar die ewige lewe sal hê.

Want God het sy Seun in die kosmos gestuur, nie om die kosmos te veroordeel nie, maar dat die kosmos deur Hom gered kan word.”

 Vriende, gee die woordjie ‘kosmos’ nie vir ons ‘n ander invalshoek en verstaan as die woord ‘wêreld’ waarmee ons die teks so graag vertaal nie. Die Here Jesus het nie net wêreld toe gekom (m.a.w. na mense toe) nie, maar Hy het aan die kruis ook gehang vir huwelike, verhoudings, die ekologie en politieke stelsels. Hy het vir die KOSMOS na hierdie aarde gekom en dit sluit alles in. Hy kom maak elke ding nuut en ons is sy Hande en Voete om dit op aarde te laat realiseer.  

****************************************************************************** 

STROOIDAK BLYDENUUS                    27 FEBRUARIE-5 MAART

 

Ek is die resultaat van ‘n Goddelike beplanning-sessie, soos wat Psalm 139 vertel. Psalm 139:13 sê dat God my aanmekaargeweef het in die skoot van my moeder. Die Heilige Gees het ‘n unieke verhouding met elkeen van ons hier op aarde en het ons geweef presies soos Hy ons wou hê! Die probleem is dat ons dit nie so insien en verstaan nie, aangesien ons ons kennis en vermoëns gebruik om oor God te dink en om ook te dink hoe lief Hy ons as individue het. Iemand het eenmaal gesê dat ons net soveel van God af weet as ‘n muis van die internet. Daarom voel ons maar dikwels dat:

• ons maar net een van baie op aarde is
• daar baie mense is wat beter as ons is en vir wie Jesus liewer het
• ons God teleurstel en Hy nie vir ons kan lief wees nie
• ek te nietig is en nie deur God gebruik kan word nie
• ek altyd sondig is en voel baiemaal skuldig oor iets

Ek dink jy moet ‘n slag weer toelaat dat God die praatwerk oor jou doen en jy kan in Psalm 139 gaan lees wat God oor jou sê. God is nie net lief vir jou nie, maar Hy is mal oor jou en wil jou lief hê, by Hom hê, rondom Hom hê net soos jy vandag is. Kom ons vra vir God om onsself net weer ‘n slag deur sy oë te sien.

Kleingroepmateriaal

OORDENKINGS VIR KLEINGROEPE           7 MAART - 14 MAART

                 WAT IS REG? WEET IEMAND DALK?

 

WEEKTEMA: “NEE DANKIE” OF “JA, ASSEBLIEF” VIR ABORSIE?

SKRIFLESING: Eksodus 21:25

 “Dit lyk vir my of ‘n mens ‘n saak daarvoor kan uitmaak dat ‘n samelewing – en daarom ‘n regering – die allergrootste verantwoordelikheid het om toe te sien dat daar so min moontlik kinders in die wêreld  kom vir wie daar geen kans op menswaardige lewe is nie, en wat die kans van die ander mense nog verder gaan bedreig.  Is dít nie ten diepste ‘n volwaardige pro-lewe-standpunt nie – wanneer nie net blote lewe nie, maar menswaardige lewe beskerm word?”

Vriende, bogenoemde stelling,  is die stelling waarmee professor Adrio König sy hoofstuk oor aborsie in sy boek eindig. Hy kies nie vir of teen aborsie nie, maar eindig bloot sy navorsing op die manier.

Ek gaan poog om aan u bepaalde inligting oor die saak in Suid-Afrika te gee en daarna kan u die vrae oor die onderwerp bespreek en dan sal ek my eie samevatting gee.

 

DIE WETGEWING IN ONS LAND:

Suid-Afrika se wetgewing laat aborsie onder sekere voorwaardes toe:

• Binne die eerste 12 weke na bevrugting kan ‘n vrou aborsie op versoek kry.
• Van die 13 de tot die 20ste week mag sy net onder sekere voorwaardes ‘n aborsie ondergaan, naamlik:
• as haar swangerskap gevaar inhou vir haar liggaamlike of geestesgesondheid;
• as die fetus aan ‘n erge liggaamlike of geestesabnormaliteit ly;
• as die vrou verkrag of bloedskande gepleeg is
• as die voortsetting van swangerskap ernstige sosiale of ekonomiese gevolge vir die vrou sal inhou.
• Na die 20 ste week mag sy die fetus laat aborteer mits die voortgang van die swangerskap:
• Die lewe van die vrou in gevaar stel
• Die fetus erg misvorm of benadeel sal laat.

Mense wat teen aborsie gekant is het ernstige besware teen die wetgewing. Hulle sê die fetus is van die begin af ‘n volwaardige mens en daarom kom aborsie op moord neer. Hulle sê dat die wet slegs voorsiening maak vir die vrou se menseregte en nie vir die van die baba ook nie. ‘n Ander beswaar wat die groep maak is dat die meisie nie alleen die besluit kan maak nie aangesien daar ander mense om haar (die pa, familie en ouers) is wat ook deur haar besluit geraak gaan word.

SOSIALE EN EKONOMIESE REDES:

Tussen die 13de en 20ste week van swangerskap maak die wet voorsiening vir aborsie op voorwaarde van “swak sosiale en ekonomiese redes.” Dit is sekerlik ‘n omstrede saak. Dit verwys na omstandighede wat baie subjektief is en wat baie moeilik geëvalueer kan word. Wat vir die een person goeie ekonomiese omstandighede is, is vir die ander een ‘n ramp.

Ons as burgers kan almal aan planne dink waarmee ons die vrouens te hulp kan snel, maar wat van die duisende met wie ons nie kontak het nie of in haglike omstandighede leef? Onthou die wet skryf nie die ideale situasie voor nie. Die wet moet vir alle moontlike gevalle voorsiening maak.

 SAKE OM TE OORWEEG WANNER JY STANDPUNT INNEEM:

Wanneer jy praat oor ‘n etiese kwessie soos aborsie, moet jy onderskei tussen jou persoonlike oortuigings en dit wat in wetgewing vasgelê kan word. Dit is moontlik dat ‘n mens persoonlik oortuig kan wees dat aborsie verkeerd is, terwyl jy tog aanvaar dat dit nie werklik verbied kan word nie, eenvoudig omdat alle mense nie jou oortuigings deel nie; omdat jy besef dat ‘n regverdige landswet ruimte vir alle mense moet maak, en nie een bepaalde groep se oortuigings op almal kan afdwing nie.

Die pro-keuse seining is oortuig daarvan dat vroue die keuse moet hê of hulle wil voortgaan met swangerskap. Sommige druk hulle gevoel uit in die slagspreuk: ‘Ek is baas van my eie maag.’ Hulle sê mans neem al eeue besluite oor vroue sonder dat hulle self enige inspraak het. Hierdie standpunt het baie veld gewen in die afgelope jare, onder meer omdat daar soveel eeue lank soveel onreg teen vroue gepleeg word. In tradisionele Afrika-kulture het vroue ‘n nog groter agterstand as in die Weste en daarom sal vroueregte hoog op die openbare agenda in ons land bly.

VRAE TER BESPREKING:

• Hoe dink en voel jy oor aborsie?  Laat almal deel.
• Wat dink jy oor ons land se wetgewing oor aborsie?
• Is aborsie moord?  Waar is die begin van lewe?
• Skep God direk alle lewe, of kan ons die kwaliteit van lewe saam met God beplan?

SAMEVATTING:

Vriende baie dankie vir julle warm en passievolle bespreking rondom hierdie baie belangrike saak. Jy sou sien dat etiek en etiese besluite glad nie simplisties en eenvoudig is nie. Etiek kan nooit ‘n bloudruk op hê vir alle tye en alle omstandighede nie. Daarom bepleit ek ‘n ontologiese verantwoordelikheidsetiek. Dit is om etiese en verantwoordelike mense op te voed en te leer om in verskillende omstandighede die regte besluite te neem. Dit gaan dus nie soseer oor die wit en swart van ‘n etiese besluit nie, maar of die person agter die besluit eties is of nie.

Ons is tog soooo bekommerd oor wanner lewe nou eintlik begin. Is dit nou tydens bevrugting, eers na drie maande, ses maande, eers wanner die baba gebore is of eers later. Ek beskou nie een as korrek nie. Nee lewe begin reeds voordat ‘n eiersel of spermsel by mekaar uitgekom het. Aborsie begin dus reeds in die “verhouding” wat die seksuele daad vooraf gegaan het. Kinders is veronderstel om liefdevolle ouers te hê wat Geestelik, emosioneel, finansieel en in hul verhouding met mekaar, gereed is om kinders te hê. Sulke kinders staan die kans op ‘n sinvolle lewe in oorvloed en so ‘n lewe is die moeite werd om geleef te word. Daarom moet ons elke dag uitgaan en saamwerk om ‘n normatiewe samelewing daar te stel wat kwaliteit lewe aan elke ongebore en gebore baba sal bied.

~~~~~~~~~~~~~~~~~~~~~~~~~~~~~~~~~

OORDENKINGS VIR KLEINGROEPE      27 FEB-5 MRT

 

                WAT IS REG?  WEET IEMAND DALK?

 

WEEKTEMA: “Die doodstraf-Barbaars? Onontbeerlik?”

SKRIFLESING: Genesis 9:5-6 en Joh. 8:1-11.

 

Die kwessie van die doodstraf is ‘n baie moeilike en emosionele kwessie. Daar lyk my geen manier om ‘n maklike en duidelike besluit te neem nie. Enersyds lei dit geen twyfel dat teregstelling ‘n vreeslike saak is nie. Dit is ‘n wrede, geweldadige ingreep in ‘n mens se lewe - die mees fundamentele reg van enige mens. En dit is ‘n beslissende finale ingreep wat nie soos tronkstraf, later verander kan word nie. Sê nou maar net die persoon was werklik onskuldig, soos wat al voorheen gebeur het.

Andersyds word onskuldige mense se mees basiese reg op lewe, sommer net oor ‘n selfoon of iets anders, van hul af weg geneem en dit lyk of die moord in ons land net erger en erger raak. Wat moet ons as gelowiges se siening oor hierdie aangeleentheid wees. Dit is en sal nooit maklik wees nie. Ek gaan net so ‘n paar stellings maak en dan kan u verstaan dat dit nie so maklik is nie:

• Bees Roux het ‘n man dood gemaak en moet dus die doodstraf kry
• Moordenaars verkrag en vermoor twee onskuldige dogtertjies en word vrygelaat op parool na sewe jaar
• Joh. 8 se vrou moes volgens die Ou Testament die doodstraf opgelê gewees het en Jesus het haar vrygelaat
• Sal jy vir Moses en Dawid die doodstraf opgelê het, want beide was moordenaars
• Pedofiele, verkragters en mense wat kinders mishandel, maak mense lewenslank emosioneel dood, moet hulle ook dood gemaak word
• Die man wat sy vrou telkemale verneuk en haar fisies en emosioneel mishandel, maak haar emosioneel dood en laat haar lewenslank as ‘n “dooie” vrou leef, moet hy ook gehang word

Vriende, ek dink ons leef in ‘n tyd in Suid-Afrika waar die persoon wat die meeste teen die doodstraf gekant is, nie ook af en toe vra of dit nie tyd geword het vir die herinstelling van die doodstraf nie. Mense is moeg vir verkragting, dwelms, mollestering en brutale moord. Wat dit egter baie kompleks maak in Suid-Afrika, is die geladenheid van die kwessie as gevolg van ons verlede. Ek het my Honneurs-skripsie gedoen oor die onderwerp van die doodstraf en dit is alombekend dat daar in die apartheidsjare in verhouding, makliker die doodstraf  opgelê is aan swart mense as aan wit mense. Daarom is en bly dit ‘n sensitiewe saak in Suid-Afrika. Die vraag is of ‘n regering steeds in ‘n demokratiese land die doodstraf aan sy bevolking kan weier indien die meerderheid om die doodstraf vra (dit is wel tans die geval). Die ander vraag is of ‘n regering in ‘n demokratiese bestel steeds so ‘n barbaarse daad soos die doodstraf kan toepas.

Vriende, ek het verder in my studie bevind dat die doodstraf  glad nie ‘n afskrikmiddel is nie en my bevindings is gestaaf deur onderhoude wat ek met moordenaars in die tronk gedoen het. Hulle het sonder uitsondering aan my gesê dat hulle nie vir een oomblik gedink het dat hulle gevang sou word nie en tweedens dat as hulle gevang sou word, hoe hulle gestraf sou word nie. Ek voel altyd dat die Here Jesus enige mens nog in die tronk tot inkeer kan bring en ons het honderde getuienis van moordenaars wat in die tronk tot inkeer gekom het en daarna evangelisasie binne en buite die tronk gaan doen het. Ek voel ook sterk dat net God lewe kan neem en dat dit uiters wreed is om die fyn geskepte mens met al haar fisiese sowel as persoonlike kwaliteite, net so te vernietig. Verder kan ‘n mens gaan kyk na die lande wat steeds die doodstraf toepas (Irak, Iran, Sjina en Nigerië) en die wie dit nie meer toepas nie (Duitsland, Italië, Spanje, Engeland) en jou afvra met watter lande jy jou eerder wil identifiseer.

Die laaste punt wat ek oor die doodstraf wil maak, is dat ‘n regering wat ek vertrou en wat ek wil hê aan sy burgers ‘n goeie voorbeeld moet stel, nie links en regs moordenaars kan teregstel nie. Watter voorbeeld stel ons aan ons burgers indien onsself moord pleeg. Ek voel baie sterk daaroor dat moordenaars en ander misdadigers uit die samelewing verwyder moet word, maar nie deur hulle dood te maak nie. Indien ons tronke nie mense rehabiliteer nie, of moordenaars te vroeg op parool vrygelaat word, moet ons hieraan aandag skenk, maar nie die doodstraf aanwend omdat ons regstelsel nie na wense funksioneer nie.

 

VRAE OM IN DIE GROEP TE BESPREEK!

•  Wil jy die doodstraf weer ingestel hê?
• Is die doodstraf barbaars? Onontbeerlik?
• Vir watter misdade moet die doodstraf geld?
• Dink lank en mooi na: “What would Jesus do?” As Hy vannaand hier was in 2012 in Suid-Afrika, wat sou Hy gedoen het en gesê het oor die doodstraf?